Шри-Ланка дефолтко учурады
Шри-Ланка Демократиялык Социалисттик Республикасы керектүү товарларды импорттоо үчүн чет элдик валютасы түгөнүп калгандан кийин 51 миллиард доллар тышкы карызын төлөй албай калган. Бул тууралуу The Times of India гезити өлкөнүн өкмөтүнө шилтеме берүү менен билдирди.
Арал мамлекети эгемендик алгандан берки эң олуттуу экономикалык кризисти башынан өткөрүүдө. Маалыматтарга караганда, өлкөдө электр энергиясы өчүрүлүп, тамак-аш жана күйүүчү майдын жетишсиз болууда.
"Өкмөт өлкөнүн финансылык абалынын мындан ары начарлашына жол бербөө үчүн чукул кадамдарды жасап жатат", - деп айтылат өкмөттүн билдирүүсүндө. Ошондой эле Эл аралык Валюта Фондунун (ЭВФ) экономиканы калыбына келтирүү программасын күтүүдө бардык кредиторлор үчүн бирдей укуктарды камсыз кылуу үчүн токтоосуз дефолт керек экенин түшүндүрөт.
Бул кризис Шри-Ланканын бүтүндөй калкын олуттуу көйгөйлөргө кептеп, өкмөткө каршы нааразылык акцияларын жаратты.
Дефолт бул - карызды өз убагында так төлөй албоо. Карыз - векселдер, облигациялар, ипотека, банк кредиттери, чектер болушу мүмкүн. Дефолттун объектиси мамлекет, компаниялар, карапайым адамдар болушу да ыктымал.
