Президент Башкы прокуратурага суракка чакыртылды
3872
Кыргызстандын президенти Садыр Жапаров Башкы прокуратурага суракка чакыртылды. Ал да 2010-жылдагы июнь окуялары боюнча күбө катары өтүүдө. Бул маалыматты Kaktus.kg'ге Башкы прокуратурадан тастыкташты.
Садыр Жапаров бүгүн, 27-апрелде чакыртылган, бирок так убактысы айтылган эмес.
Эске салсак, 25-апрелде, УКМКнын төрагасы Камчыбек Ташиев да сурак берген.
2009-2010-жылдары Садыр Жапаров Кыргыз Республикасынын кадр кызматына караштуу Коррупциянын алдын алуу агенттигинин директору болчу. Ал эми 2010-2013-жылдары Кыргыз Республикасынын Жогорку Кеңешинин V чакырылышын депутаты болгон.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://gorod.kaktus.media/6495
