Россиянын жараны Кыргызстандагы эс алуунун артыкчылыктарын атады

Кыргызстанга келип кеткен россиялык турист биздин өлкөдөгү эс алуунун артыкчылыктарын санап өттү. Бул тууралуу ал өзүнүн блогунда айтып берген.

• Турист биринчи эле "Борбор Азиянын бермети" - Ысык-Көл тууралуу айтып берди. Блогердин пикири боюнча, анын жээгинде тиешелүү инфраструктура: ресторан, отель жана башка көңүл ачуучу мекемелер бар. Ошол эле маалда өз алдынча, табияттын койнунда эс алганды жакшы көргөндөр да эл тебелеп-тепсей элек жерлерди таап, тунук сууга түшө алышат.
• Андан тышкары, Кыргызстанга кирүү үчүн жарандык паспорт талап кылынбайт. "Республика Россиядан келгендерди ички паспорт менен деле кабыл алууга даяр", - деп дагы бир артыкчылыгын айтты.
• Чыгыштын колоритин белгилеп, жергиликтүү базарларга барганың эле кызыктуу экскурсияга тете. Ошол эле маалда көпчүлүк орус тилинде таза сүйлөйт.
• Тамак ашы даамдуу, баасы арзан, авибилеттер да арзан. Мисалы ал өзү билетти 19 миң рублге сатып алганын белгилеген.
• Эң башкысы, Кыргызстандын эли орустарга аябай жакшы мамиле кылышат, деп турист соңунда жыйынтык чыгарды.
• "Мен түрдүү жайгдайларга түшүп калып жаттым, ошого карабастан эли меймандос экенине көп ирет күбө болдум", - дейт саякатчы.