Time журналы эң таасирдүү адамдардын тизмесин жарыялады. Сиз кимди таасирдүү деп ойлойсуз?
Украинанын президенти Владимир Зеленский менен Россиянын лидери Владимир Путин Time журналынын версиясы боюнча 2022-жылдын эң таасирдүү 100 адамынын катарына кирди.
Америкалык Time басылмасынын журналисттери тармактык эксперттер менен биргеликте жылдын эң таасирдүү 100 адамынын жылдык тизмесин түзүштү. Ал алты категорияга бөлүнөт: Иконалар, Пионерлер, Титандар, Сүрөтчүлөр, Лидерлер жана Инноваторлор.
Лидерлер категориясына Украинанын президенти Владимир Зеленский, Россиянын лидери Владимир Путин, Еврокомиссиянын төрагасы Урсула фон дер Лейен, АКШнын президенти Жо Байден, Германиянын канцлери Олаф Шольц жана Түштүк Кореянын лидери Юн Сок Ёол кирет.
Зеленский боюнча пикирин Time журналына АКШнын президенти Жо Байден билдирген.
"In President @ZelenskyyUa, the people of Ukraine have a leader worthy of their bravery and resilience," writes @JoeBiden #TIME100 https://t.co/mSasiSIIEO pic.twitter.com/pV93a1xQKD
— TIME (@TIME) May 23, 2022
Ал эми Путин боюнча сын-пикирин орусиялык оппозициялык саясатчы Алексей Навальный жазган. 2019-жылга чейин Путин алты жолу катары менен Time журналынын тизмесинде болгон.
"Иконалар" номинациясына Голливуд актёру Киану Ривз, ырчы Адель, кытайлык профессионал теннисчи Пэн Шуай, америкалык музыкант Жон Батист, ЛГБТ активисти Надин Смит, испаниялык теннисчи Рафаэль Надаль жана орусиялык журналист Дмитрий Муратов көрсөтүлдү.
Time100 - Time журналы дүйнөдөгү эң таасирдүү 100 адамдын жылдык рейтинги. Биринчи жолу 1999-жылы америкалык илимпоздордун, саясатчылардын жана журналисттердин талкуусунун жыйынтыгында жарыяланган, 2004-жылдан бери бул рейтинг жылдык болуп калды.
Time жылдын эң таасирдүү адамдарынын толук тизмесин билүү үчүн бул жерди басыңыз.
