Алмазбек Атамбаевдин ата-энеси жашаган үйдүн көрүнүшү. Сүрөттөр
Азиз Батукаевдин бошотулушу боюнча козголгон кылмыш ишинин алкагында Алмазбек Атамбаевдин атасынын Арашан айылындагы эски үйү конфискацияланышы мүмкүн.
Бул үй 1953-жылы курулган. Алмазбек Атамбаевдин жактоочусу Замир Жоошевдин айтымында, үйдү ата-энесинин элесине деп ушул формада калтыруу чечими кабыл алынган. Алмазбек Атамбаев 1988-жылы ушул эле тилкеге дагы үй салган. Алардын баары мурдагы президенттин тун уулу Сейид Атамбаевдин наамына катталган.
Жоошевдин айтымында, бул үй да конфискацияланууга тийиш болгон мүлктөрдүн тизмесинде болгон. Бирок, кийинчерээк юрист фонд карама-каршы маалыматтарды берип жатканын, кызматкерлер Атамбаевдин ата-энесинин үйү боюнча чечимди тактап жатканын кабарлады.
Бул үйгө экс-депутат Рыскелди Момбеков келип, сүрөттөрүн социалдык тармактарга тараткан. Андан үйдүн азыр кандай экенин көрүүгө болот.
