Акин Токталиев: Садыр Жапаровду сотко бербей калдым
Дин иштери боюнча мамлекеттик комиссиянын мурунку жетекчиси Акин Токталиев президент Садыр Жапаровду сотко бермек. Бирок оюн өзгөрттү. Бул тууралуу ал Kaktus.media'га билдирди.
"Документтерди толук чогултуп койгом, намысымды коргоо үчүн сотко кайрылууну ойлоп жаткам. Өзүм тууралуу президенттен мындай сөздөрдү угуу мен үчүн жагымсыз болду. Аброюмду таза бойдон сактап калгым келди. Бирок, экс-муфтий Рахматулла ажы Эгембердиевдин сүйлөшүүсүнүн аудиосу чыккандан кийин бир нерсени далилдеп берүүнүн зарылчылыгы жок болуп калды. Сотко бербей эле коеюн деп чечтим", - деп Токталиев комментарий берди.
Ал жаздырууда мени жана мурунку муфтий Максат ажы Токтомушевди шайлоо алдындагы жарышта колдонгондугу тууралуу айтылып жатат. Эми бардыгына бардыгы түшүнүктүү болду.
Токталиев оюн өзгөртүп, кайрадан сотко бериши мүмкүн экенин да билдирди. "Мени шыбаганды токтотпосо, анда сотко барам. Президентти туткунга алган чөйрөсү жөнүндө айта турган сөзүм бар. Жапаров коррупционерлердин туткунунда калды. Президенттин курама командасы кезинде Атамбаев менен Жээнбековду жок кылгандай эле муну да жок кылышы мүмкүн", - деди ал.
Мындан мурун Садыр Жапаров интервью берип, дин башкармалыгындагы кайчы пикирлерден улам Арзыбек Бурхановго Токтомушев менен сүйлөшүүнү буюрганын айткан. "Мен ага муфтий менен жолугуп, муфтиятта конфликттер бар болсо, биримдикти сактап калуу максатында тынчтык жолу менен чечип, татыктуусун тандап алууну сунуштагам. Бирок ал (Бурханов), Токтомушев менен өзү жолуккандын ордуна Аккин Токталиевге эки тарапты элдештирсин, деп кайрылыптыр", - деп Жапаров айткан.
Акин Токталиев маалыматты туура эмес жеткирген, ал муфтияттан кетсин дегендей айтыптыр. Эртеси күнү пикир келишпестик ого бетер курчуду.
Эске салсак, УКМК КМДБнин башкы бухгалтерин жана экс муфтий Максат ажы Токтомушевди ири өлчөмдөгү жемкорлук иши боюнча камакка алган. УКМКнын билдирүүсү боюнча муфтият ажылыктан түшкөн каражатты жеке менчик мекемелерге үстөк пайызы менен берип келген.
Экс-муфтийдин тарапташтары УКМКнын алдына Токтомушевди бошоткула деген талап менен митингт уюштурушкан. Сот Максат ажы Токтомушевди үй камагына кое берген.
