Прокурор Темировдун командасындагы кыздын интимдик видеосу боюнча кылмыш ишин ачкан жок
Прокуратура журналист-иликтөөчү Болот Темировдун командасындагы кыз тартылган видеонун негизинде иш ачуудан баш тартты. Эми баш тартуунун мыйзамдуулугуна сот баа берет. Бул тууралуу Темиров өзү билдирди.
Бүгүн, 8-июнда Бишкек шаардык сотунун соттук коллегиясы Темиров Live командасынын мүчөсүнүн арызын карайт. Буга чейин социалдык тармактарда коммандадагы кыз менен тартылган видео тараган. Мындан тышкары, компаниянын документтеринин монтаждалган видеосу жана Темиров менен анын жубайынын сүйлөшүүсү жарыяланган.
"Прокуратура интимдик видеону тарткан адамга кылмыш ишин козгоодон баш тартты. Ал кыздын ишенимине кирип, ата-энесине белек берип жүргөн. Андан соң анын абийирине шек келтирип, видеону ачыкка чыгарып салган. Ал эми өзүн жаап-жашырып койгон",- деп билдирди Темиров.
Эске салсак, Темиров ушул жылдын башында, 22-январдын кечинде кармалган. Анын редакциясынын кеңсесине спецназдын жоокерлери кирип келип, журналистти кармоо учурунда Темировдун арткы чөнтөгүнөн кочкул жашыл түстөгү затты алып чыгышкан. Бирок, күбөлөр таңгактарды коопсуздук күчтөрү өздөрү салып коюшканын айтышкан. Журналист бардык анализдерден өтүп, анын денесинен маңзат табылган эмес. Ошентсе да Темировго карата баңгизаттарды мыйзамсыз өндүрүү жана сактоо боюнча кылмыш иши козголду. Бир нече айдан кийин ал Кыргызстандын жарандыгын мыйзамсыз алып, мамлекеттик чек араны мыйзамсыз кесип өткөн деп шектелген. Темиров жана анын командасы камакта кармоо тартибин бузган видеону жарыялашты. Темиров Live командасынын мүчөлөрүнө кол салуу ушул күнгө чейин уланууда деп белгилешкен.
Кошумчалай кетсек, социалдык тармактарда команданын бир мүчөсү катышкан интимдик видео тараган. Темиров Live командасынын мүчөлөрүнө кол салуу ушул күнгө чейин уланууда.
