Эркек киши аялын төрт саат сабап өлтүрүп алган
5312
Мас абалдагы киши аялын дээрлик түнү бою отургучтун буту менен сабап, аял каза болду. Бул тууралуу маалымат жыйынында "Сезим" кризистик борборунун юристи Ракыя Рахматова билдирди.
Анын айтымында, 2021-жылдын май айында Сокулук районунун тургуну мас абалында үйүнө келип, 30 жаштагы аялын сабай баштаган.
"Ал аялын отургучтун буту менен 4 саат сабап, анан уктап калган. Эртең менен ойгонуп, аялынын каза болуп калганын билген. Сокулук райондук соту аны 15 жылга эркинен ажыратты. Бирок Чүй облустук соту адам өлтүрүүнү өзгөчө мыкаачылык деп таап, биринчи инстанциянын чечимин өзгөрттү", - деди ал.
Кризистик борбор кассациялык даттануу менен кайрылган, Жогорку Сот аны өтө мыкаачылык менен киши өлтүрүү боюнча күнөөлүү деп таап, өкүм чыгарган.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://gorod.kaktus.media/7428
