5 жашар кызга чаламандын чак түшүндө сексуалдык ыдык көрсөтүлдү. Шектүү табылды
Жалал-Абад облусунун Ала-Бука районунда 5 жаштагы кызга сексуалдык ыдык көрсөткөнгө шектелип 40 жаштагы киши кармалды. Обулстук ички иштер башкармалыгынан Kaktus.kg`ге билдиришкендей, кыздын апасы бүгүн, 14-июлда арыз менен кайрылды.
Арыздануучу Ала-Бука районунун 32 жаштагы тургуну. Ал 13-июлда саат 16:00 чамасында 5 жаштагы кызын 35-40 жаштардагы белгисиз жаран үйүнүн жанындагы дүкөнгө алып кирип, балмуздак жана шириндиктерди алып берип, жакын жерде жайгашкан бакка ээрчитип барып ыплас аракеттерди жасаганын билдирди.
Арыз 158-берене (Ыплас аракеттер) менен Кылмыштардын бирдиктүү реестрине катталып, кылмыш иши козголуду. Окуя болгон жерге кароо жүргүзүлүп, соттук-медициналык экспертиза дайындалды.
Жүргүзүлгөн ыкчам иликтөө иш-чаралардын натыйжасында Ала-Бука районунун 40 жаштагы тургуну К.Н. кармалды. Учурда кылмыш иши боюнча тергөө амалдары жүргүзүлүп жатканын кошумчалашат мекемеден.
