Ысык-Көлгө казак, өзбек, тажик, түркмөн лидерлери келишти. Тосуп алуудагы сүрөттөр
Ысык-Көл облусунун Чолпон-Ата шаарында Борбордук Азия мамлекет башчыларынын консультативдик жолугушуусу өтүүдө. 20-21-июль күндөргө белгиленген иш-чарага Казакстан, Өзбекстан, Тажикстан, Түркмөнстандын президенттери келди. Коңшу өлкөнүн мамлекет башчыларын тосуп алуудагы учурдан чырк этме.
20-июлда Казакстандын президенти Касым-Жомарт Токаев Ысык-Көл аэропортуна конду. Аны министрлер кабинетинин төрагасы Акылбек Жапаров тосуп алды.
Анын артынан Өзбекстандын президенти Шавкат Мирзиёевдин учагы аталган аэропортко конду.
Бүгүн, 21-июлда Ысык-Көлгө Тажикстандын президенти Эмомали Рахмон келди. Аны да Акылбек Жапаров салтанаттуу түрдө тосуп алды.
Андан кийин Түркмөнстандын жакында эле шайланган президенти Сердар Бердымухамедов Ысык-Көлгө келди.
Белгилей кетсек, 20-июлда Борбордук Азия мамлекет башчыларынын төртүнчү консультативдик жолугушуусунун алкагында президенттер Садыр Жапаров, Касым-Жомарт Токаев жана Шавкат Мирзиёев кеме менен сейилдешти. Андан соң коңшу өлкөнүн лидерлери этномаданий туризм менен таанышып, атайын даярдалган театрлаштырылган оюн көрүштү.
