Эркектер унаага салып алып сабады делинген кыз табылды
Буга чейин унаада отурган кызды белгисиз балдар суракка алып, уруп жаткан видео тараган. Бүгүн, 29-июлда Баткен облустук ички иштер башкармалыгынан видеодогу кыз табылганын маалымдады.
Өспүрүм кыз Кызыл-Кыя шаарынын тургуну экени белгилүү болгондон кийин бул материал 2022-жылдын 26-июль күнү Кызыл-Кыя ШИИБи тарабынан каттоого алынган.
Милиция кызматкерлери кыздын жашаган дарегине барышкан. Өспүрүмдүн апасы кызы 14-июнда таңкы саат 05:00 чамасында уктап жаткан жеринен дайынсыз болгондугун билдирип милицияга арыз менен кайрылган. Издөө иштеринин жүрүшүндө 28-июлда өспүрүм кыз Ош облусунун Ноокат районунан аныкталып, аман-эсен апасына өткөрүлдү.
Белгилей кетсек, 26-июлда социалдык тармакка белгисиз адамдар унаада отурган кыздан акча тууралуу сурап, уруп жаткна видеосу жарыяланган. Кийинчерээк Ош облустук ички иштер башкармалыгынан кызды урду делингендердин бири кармалганын айтты.
