Ассоль Молдокматованын уулу клубда ок чыгарганын четке какты
Ассоль Молдокматованын уулу, бийчи Жан Воинов "Кипиш" түнкү клубунда ок чыгаруу боюнча маалыматты четке кагууда. Бул тууралуу ал өзү Kaktus.media сайтына билдирди.
Анын айтымында, ал окуя болгон жерде кокусунан болгон.
"Видеодо менин турган жерим да көрүнүп турат - унаанын жанында. Ал эми ок чыгарган адам элдин ортосунда болгон. Мен клубдан чыгып бараткам, ал жерде бир топ жаш балдар мушташып кетишкен. Ошол учурда мен дагы башка балдар менен мушташа кеттим. Кийин күтүлбөгөн жерден октун үнүн уктум", - деди ал.
Окуя тууралуу түнкү клубдун ээси да Kaktus.media сайтына айтып берди. Анын айтымында, чатак чала тааныш адамдардын ортосунда чыккан.
"Экинчи кабатта турганбыз, капысынан октун үнү чыкты. Биз Жан менен урушкан жокпуз, анткени биз жакын достордонбуз", - деп кошумчалады ал.
