Алымкадыр Бейшеналиев кызматына кайра келеби? Президенттик аппараттын жообу
2846
Алымкадыр Бейшеналиевге карата козголгон иши токтотулуп, ал кызматка кайрадан киришүүгө даяр экенин Kaktus.media`га билдирген. Президент Садыр Жапаровдун маалымат катчысы Эрбол Султанбаев Алымкадыр Бейшеналиевдин саламаттыкты сактоо министри кызматына кайра келиши мүмкүндүгү боюнча комментарий берди.
"Бул маселе боюнча кийинки аптада чечим кабыл алынышы ыктымал", - деди Султанбаев.
Эске салсак, президент министрлер кабинети тарабынан дайындоону жактырып же четке кага алат.
Белгилей кетсек, Алымкадыр Бейшеналиев 2-июнда Башкы прокуратура тарабынан кармалган. Ага карата жети кылмыш иши тергелген. Козголгон кылмыш иши кылмыштын курамы жок болгондуктан 16-августта токтотулду.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://gorod.kaktus.media/7950
