Туулган күндөн келе жаткан. Кеминде жол кырсыгынан 5 киши каза болду
Чүй облусунун Кемин районундагы жол кырсыгынын кесепетинен 5 адам каза болду. Кырсык тууралуу маалыматты Kaktus.media сайтына райондук ички иштер бөлүмүнөн тастыкташты.
Маалым болгондой, кырсык 26-августка караган түнү Бишкек-Нарын-Торугарт унаа жолунда "Субару Легаси" үлгүсүндөгү жеңил унаа менен MAN жүк ташуучу унаасы кагышкан.
Кырсыктын кесепетинен унаадагы беш адам каза болгон. Алар 26 жаштан 29 жашка чейинки Кеминдин тургундары экени аныкталгнан.
Ички иштер башкармалыгы маркумдар туулган күндөн кайтып келе жатышканын тактады. Унаа каршы тилкеге чыгып, жүк ташуучу унаанын астына кирип кеткен. Айдоочу мас болгонбу же жокпу азырынча белгисиз: экспертиза даяр эмес.
MAN унаасынын айдоочусу жаракат алып Улуттук госпиталга жаткырылган.
Башкы беттеги илюстрациялык сүрөт.
