Тажикстан Кыргызстандын талаптарын аткарбай, кол салууну улантууда
Тажикстан Кыргызстандын талаптарын аткарбай, кол салуусун улантууда. Бул туурасында УКМКнын Чек ара кызматынан кабарлап, саат 10:15ке карата мамлекеттик чек аранын кыргыз-тажик тилкесинде абал чыңалуу бойдон сакталып тургандыгын маалымдайт.
Ок атышууну токтотуу жана чыр-чатактын күчөшүнө жол бербөө максатында УКМКнын Чек ара кызматынын директору Уларбек Шаршеев менен Тажикстандын УКМКсынын Чек ара аскерлигинин колбашчысы Раджабали Рахмонали менен телефон аркылуу сүйлөштү.
Жолугушуу уюштуруу үчүн саат 10:00дөн баштап ок атышпоо келишими түзүлдү. Бирок тажик тарап кыргыз чек арачыларынын позицияларын көздөй ок атууну токтотпой жатат. Саат 08:30дан баштап Чек ара кызматы ок атышууну токтотууну жана сүйлөшүүлөрдү жүргүзүүнү талап кылууда. Бирок тажик тарап келишимдерди аткарбай жатат.
Белгилей кетсек, бүгүн, 16-сентябрда саат 06:00дө Тажикстан Баткен районунун Эки-Таш участкасына ок чыгарып, башка айылдарга да өттү. Кыргызстандын Чек ара кызматынан тажик тарап мурда жетишилген бардык макулдашууларды бузуп, чыккынчылык менен кол салганын белгиледи. Кол салуудан 18 адам жабыркады.
