Депутаттар чек арадагы жаңжал боюнча кезексиз жыйынга чогулду. Кайсы депутаттар келди?

Жогорку Кеңештин депутаттары Кыргызстан менен Тажикстандын чек арасындагы жаңжал боюнча кезексиз жыйынга чогулду.

Саат 13:00гө белгиленген, бирок 13:35те башталган жыйын журналистер жок жабык эшик артында өтүп жатат.

Жалолидин Нурбаев, Максатбек Сарбагышев, Балбак Тулобаев, Медербек Алиев, Өмүрбек Бакиров, Марлен Абдрахманов, Нурланбек Азыгалиев, Нурбек Алимбеков, Улан Бакасов, Карим Ханджеза, Жаныбек Кыдыкбаев, Гулшаркан Култаева, Нуржигит Култаева, Нуржигит Канджеза, С. Исхак Масалиев, Султанбай Айжигитов, Ырысбек Атажанов, Айбек Осмонов, Адахан Мадумаров, Талант Мамытов, Улугбек Ормонов, Таалайбек Масабиров, Нурланбек Шакиев, Дастан Бекешев келди.

"Альянс" фракциясы Ошто, "Ишеним" фракциясы Кара-Балта шаарында көчмө жыйын өткөрүүдө.

• 14-сентябрда Баткен районундагы Булак-Башы участкасында, Как-Сай аймагындагы жана Паскы-Арык участкасында ок атышуулар болгон. Анын кесепетинен 2 чек арачы жана 3 жергиликтүү тургун жаракат алганы кабарланган. Андан тышкары 10 жарандык объект жабыркап, үч жергиликтүү тургун ар кандай деңгээлдеги жаракат алган, алардын бири 11 жаштагы бала.

• УКМКнын жетекчиси Ташиевдин айтымында тажик тарап жарандык объектиге кол салышкан. Мындан тышкары, чек арада тажик тараптан курал-жарактары менен карапайым жарандар да көрүнгөн.

• 15-сентябрда чек арада чыңалуу уланып, бирок абал салыштырмалуу туруктуу болгон.
• 16-сентябрда Кыргызстандын чек ара кызматы Тажикстан тараптан жаңы кол салуулар болгонун билдирди.