Баткен облусун калыбына келтирүүгө министрлер кабинети 210 миллион сом бөлөт
Кыргызстандын министрлер кабинети Баткен облусун калыбына келтирүүгө бюджеттен 210 миллион сом бөлөт. Бул тууралуу Жогорку Кеңештин 19-сентябрдагы отурумунда Жогорку Кеңештин депутаты Дастан Бекешев билдирди.
Мындан тышкары, Баткен районунун маданият мекемелерин тейлөө үчүн 57 миллион сом бөлүү пландалууда. Бекешев белгилегендей, мурда облустагы китепканалар жана клубдар жергиликтүү бюджеттен каржыланчу.
"Түндүк системасын кармоого 31,6 млн сом, жазуучу Түгөлбай Сыдыкбековдун 110 жылдыгына 19,5 млн сом бөлүнөт. Акча эстеликке жана 15 томдук эмгекти 500 нуска менен басып чыгарууга бөлүнгөн. Маданият каралышы керек, бирок каражат бир-эки айга кечиктирилиши мүмкүн", - деди Бекешев.
Эске салсак, алдын ала маалымат боюнча чек ара жаңжалында келтирилген зыян 1,5 миллиард сом деп бааланууда, анын көлөмү дагы өсүшү мүмкүн.
Каржы министрлиги буга чейин Баткен облусуна 497 миллион 600 миң сом бөлүнгөнүн билдирген. Каражат жарандарды коопсуз жайга көчүрүү, тамак-аш, дары-дармек жана медициналык жабдуулар менен камсыздоого багытталган.
