Садыр Жапаров АКШга кандай учак менен учуп кетти (жөнөкөй эмес)
Кыргызстандын президенти Садыр Жапаров БУУнун Башкы ассамблеясына катышуу үчүн АКШга барды.
Жапаров президенттик ТУ-154 учагы менен эмес, бизнес учагы менен сапарга чыккан.
FlightRadar24 учууну көзөмөлдөө системасынын маалыматтары боюнча акыркы 24 саатта Бишкектен АКШга бир гана чартердик рейс болгон. Ал D-AFAM номерлүү Bombardier Global Express XRS бизнес-учагы тарабынан ишке ашырылган.
Система учак Ригадан 16-сентябрда келгенин көрсөтүп турат. 19-сентябрда саат 13:50дө учак "Манас" аэропортунан учуп, Германиянын Нюрнберг шаарына конгон. Андан соң АКШнын Нью-Жерси штатындагы Тетерборо аэропортуна учуп кеткен.
Бизнес учак АКШга Бишкек убактысы боюнча 20-сентябрда эртең менен келген.
Учак Германиядан (Нюрнберг) келген FAI Rent-a-jet компаниясына таандык.
Авиакомпаниянын сайтында көрсөтүлгөндөй учакка 15 киши отурса болот. Уктоочу жайлары бар жана ылдамдыгы 900 км/саат экени көрсөтүлгөн.
Бортто спутниктик байланыш, интернет, өзүнчө жумуш орундары бар.
