"Рустам менен Тай-Мурасты Баткенге өзүбүз жибердик" дейт президент
Интернетке президенттин уулу Рустам Жапаров жана УКМКнын төрагасы Камчыбек Ташиевдин уулу Тай-Мурастын Баткенде жүргөн сүрөттөрү тараган. "Кабар" маалымат агенттигинин журналисти Садыр Жапаровдон маек алып, Рустам менен Тай-Мурастын Баткенге кандай максатта барганын сурады.
Ошондой эле депутаттар дагы аскер кийимдерин кийип Баткенде жүргөн сүрөттөрүн чыгарганы пиар эмеспи деп кызыкты.
"Рустам менен Тай-Мурас пиар кылгыдай бийликке жетпей жүргөндөрдөн эмес, эптеп элге көрүнө калып, эртең депутат же президенттикти алалы дегидей. Жөн гана "Силердин карапайым балдарыңардан эмнеңер кем? Баргыла, алдыда жүргүлө. Аскерлердин кем-карчы болсо так маалыматты бизге жеткирип тургула" деп биз өзүбүз жибердик. Барышты, колдорунан келген жардамдарын берип жүрүшөт", - деди Жапаров.
