Өлкөдө психикалык оорулар күч алып, жаштар арасында көбөйүп жатканы маалымдалды

Ден соолукту чыңдоо борбору Кыргызстанда психикалык оорулар менен жабыркагандар көбөйгөнүн маалымдайт. Мекеменин маалыматына караганда, жаштар арасында психикалык бузулуулар барган сайын көбөйүүдө.

Республикалык психиатрия жана наркология борборунун маалыматы боюнча, бүгүнкү күндө стационардык көзөмөлдө 54 миң 453 адам каттоодо турат. Бирок бул расмий гана цифралар жана калктын психикалык саламаттыгынын толук картинасын чагылдырбайт.

Адистер белгилешкендей, коронавирустук пандемия, куралдуу кагылышуулар жана экономикалык кризис неврологиялык оорулардын, тынчсыздануунун жана дүрбөлөңдүн көбөйүшүнө алып келет. Ар кандай стресс фактору – терс маалыматтын ашыкча болуусу, айлана-чөйрө, коомдук-саясий кырдаалдар адамга таасир этип, психиканын адаптациясын жана кандайдыр бир бузулууларды жаратышы мүмкүн.

Аталган борбордо психиатрлар, психологдор да иштейт. Акысыз консультация алууга болот. Болгону документтер керектелет. Психроникалык оорулар менен ооругандарды дарылоо акысыз. Психосоматикадан жапа чеккен адамдар үчүн мамлекеттик кепилдиктер программасы бар.

Психикалык ден соолуктун республикалык борбору аптасына 7 күн тынымсыз иштейт. Дем алыш жана майрам күндөрү нөөмөттөгү дарыгерлер иштейт.