Аймактардагы ишкер айымдар: "Дүйшөндүн мектебин" ачкан Чолпон Шабдыраеванын окуясы
Чолпон Шабдыраева 54 жашта. Ал көп жылдар бою коомдук уюмда иштеген, бирок уулунун төрөлүшү аны жаңы киреше булагын издөөгө мажбурлады жана COVID-19 пандемиясы аны онлайн бизнес ачууга түрттү.
Чолпон айым Нарын шаарында "Репетитор ZA+" онлайн билим берүү борборун ачкан. Айтымында, кыйынчылыктар болбой койгон жок, бирок аларды жеңе алды. Азыр анын ийгиликтүү бизнеси бар жана анын онлайн борбору Нарын облусунда кыйла белгилүү. Анда үч кызматкер иштейт, алар 1 миңден ашык баланы тарбиялашты.
Мындан тышкары Чолпон Шабдыраева айылдык ишкер аялдарга жана мугалимдерге курстарды ачып, алардын онлайн иштөөгө ыңгайлашуусуна көмөктөшкөндүктөн өзүн дагы эле социалдык ишкер деп эсептеп, окутуу борборун "Дүйшөндүн мектеби" деп тамашалап атайт.
Маек Аялдардын мүмкүнчүлүктөрүн кеңейтүү (WAGE) демилгесинин алкагында даярдалган. WAGE демилгеси коммерциялык эмес жана Борбор Азиядагы аялдардын экономикалык потенциалын жогорулатууга багытталган.
