Кыргызстанда кош бойлуу аялдардын дээрлик жарымы аз кандуулук менен жабыркайт
Кыргызстанда кош бойлуу аялдардын дээрлик жарымы аз кандуулук менен жабыркап жатканы аныкталды. Бул тууралуу NIMASтын баяндамасында (микронутриенттин статусун жана антропометрикалык көрсөткүчтөрдү комплекстүү изилдөө) айтылат.
Изилдөөдө тамактануунун жана микронутриенттерди кабыл алуунун абалы бааланган.
- 6 айдан 59 айга чейинки жана 5 жаштан 9 жашка чейинки балдар;
- 10 жаштан 19 жашка чейинки кыздар;
- репродуктивдүү курактагы жана кош бойлуу аялдар изилдөөгө алынган.
Өлкөдө кош бойлуу аялдар арасында аз кандуулуктун таралышы 49%га жакын экенин изилдөө көрсөткөн.
"Аз кандуулуктун жеңил түрлөрү - чарчоо, алсыздык жана ишке болгон каалоонун жоктугу болушу мүмкүн. Оор түрү эненин жана ымыркайдын өлүмү, эрте төрөлүү жана баланын боюнун өспөй калуу коркунучун жаратат", - деп айтылат баяндамада.
Кыргызстанда аз кандуулукту көзөмөлдөө боюнча программаны киргизүүнү, ошондой эле унду байытуу, темирге бай азыктарды: этти, жашылчаларды жана буурчак өсүмдүктөрдү көбүрөөк керектөө сунушталды.
Балдардын жана аялдардын тамактануусун изилдөө 2019-2030-жылдарга (калктын саламаттыгын коргоо, саламаттыкты сактоо системасын өнүктүрүү боюнча) мамлекеттик программаны ишке ашыруунун алкагында ЮНИСЕФтин жардамы менен Саламаттыкты сактоо министрлиги тарабынан жүргүзүлөт. "Дени сак эл – өнүккөн өлкө" жана "2019-2030-жылдарга коопсуздук жана тамактануу" мамлекеттик программасы. Бул тамактанууну жана ден соолукту калыптандырууга жардам берет.
