Садыр Жапаровдун Арменияга болгон 1 күндүк иш сапары аяктады
Өлкө башчы Садыр Жапаровдун Арменияга болгон 1 күндүк иш-сапары аяктады. Президенттин администрациясынан кабарлашкандай, Жапаров жана ал баштаган делегация 24-ноябрга караган түнү Бишкекке келди.
Иш сапарынын алкагында Садыр Жапаров Ереван шаарында Жамааттык коопсуздук келишим уюмунун кезектеги сессиясына катышты.
Анда Садыр Жапаров глобалдык коопсуздук тутумундагы татаал жана жалпы өзгөрүүлөрдүн мезгилинде, саясий, экономикалык, маалыматтык, аскердик ыкмалар жана каражаттардын кеңири спектри колдонулуп жаткан учурда, өзгөрүп жаткан кырдаалга өз убагында жооп берүү үчүн кызматташтыкты ырааттуу активдештирүү зарылдыгын белгиледи.
Белгилей кетсек, ЖККУга төрагалык Армения Республикасынан Беларусь Республикасына өттү.
Өз кезегинде Казакстандын өкүлү Имангали Тасмагамбетов 2023-жылдын 1-январынан тарта ЖККУнун Башкы катчысы болот.
