SuperTVнын кабарчысын сабаганга шектүүлөрдүн бири СИЗОго киргизилди
SuperTV каналынын кабарчысы Бактурсун Жоробековду сабаганга шектүүлөрдүн бири кармалды. Бул туурасында Ленин РИИБдин маалымат кызматы кабарлайт.
Белгилүү болгондой, шектүү катары 2000-жылы туулган А.К. кармалган. Ленин райондук соту тарабынан шектүүгө карата Бишкек шаарындагы СИЗО-1ге камакка алуу түрүндөгү баш коргоо чарасы тандалды.
Учурда милиция кызматкерлери тарабынан экинчи шектүүнүн дарегин аныктоо жана кармоо боюнча ыкчам иликтөө жана издөө иш-чаралары улантылууда.
Эске салсак, 26-октябрда белгисиз адамдар Бактурсун Жоробековду сабап кетишкен. Андан тышкары физикалык күч колдонуу менен уюлдук телефонун жана 3 миң 500 сом өлчөмүндөгү акчасы бар капчыгын тартып алышып, белгисиз тарапка качып кетишкен.
Аталган факты 206-берене (Каракчылык) менен каттоого алынып, кылмыш иши козголгон. Ал эми Жоробеков ооруканага жатып, дарыланып чыккан.
