Чүйдө улакчынын жансыз денеси табылды
Чүй облусунун Жайыл районунда улакчынын жансыз денеси арыктан табылды. Бул туурасында облустук ички иштер башкы башкармалыгынан кабарлашты.
Маалыматка ылайык, 3-декабрда милицияга Жайыл районунун Орто-Суу айылында эркек адамдын жансыз денеси жатканы жөнүндө маалымат түшкөн.
Ыкчам тергөө тобу каза болгон адам Жайыл районунун Айдарбек айылынын 1987-жылы туулган Дж.Б. аттуу тургуну экендигин такташкан.
Окуя боюнча айрым тургундар суралган. Алардын айтымында, Дж.Б. 2-декабрда Орто-Суу айылында тойдон кийин өткөн көк бөрү оюунуна катышкан. Оюнда жүргөн адамдар Дж.Б. мас абалында болгонун айтышкан.
Өлүмдүн эмне себептен келип чыгуусун тактоо максатында соттук-медициналык экспертиза дайындалып, маркумдун денеси Жайыл районунунун соттук-медициналык бөлүмчөсүнүн экспертерине жөнөтүлгөн.
