2023-жылдагы узак дем алышта баары эс албайт
Министрлер кабинети жаңы жылдык узак дем алыш күндөрүн бекитти - кыргызстандыктар 2023-жылдын 1-январынан 8-январына чейин эс алат. Бирок бул токтом 5 күндүк иш графиги менен иштеген республиканын жарандарына гана тиешелүү. Министрлер кабинетинин бул чечими 6 күндүк график менен иштеген кыргызстандыктарга тиешеси жок.
Эмгек жана социалдык коргоо министрлигинен билдиришкендей, жумасына 6 күн иштегендер 2-январда эс алышат, анткени Жаңы жыл 1-январь жекшембиге, ал эми Рождество майрамы 7-январь ишембиге туура келет. .
"5 күндүк график менен иштегендер кийинки ишембиде дем алыш күндөрүн иштеп берет, 6 күндүк график менен иштеген жарандар баары бир ишембиде иштешет. Алар дем алыш күндөрүн иштеп бере алышпайт", - деп түшүндүрдү министрлик.
2023-жылдын 1-январынан 8-январына чейин дем алыш күндөрү болуп белгиленди жана которулду
- 9-январдагы дем алыш күнү 3-январдагы иш күнүнө;
- 25-февралдагы дем алыш күнү 4-январдагы иш күнүнө;
- 11-марттагы дем алыш күнү 5-январдагы иш күнүнө;
- 25-марттагы дем алыш күнү 6-январдагы иш күнүнө.
