Нарматованын "Коммерциялык эмес уюмдар жөнүндө" мыйзам долбоору биринчи окуудан өттү
Жогорку Кеңештин жыйынында Надира Нарматова жетектеген депутаттык топтун "Коммерциялык эмес уюмдар жөнүндө" мыйзам долбоору биринчи окууда каралды.
Сунушталган өзгөртүүлөр тууралуу демилгечи депутаттардын бири Надира Нарматова маалымат берди. Ал белгилегендей, мыйзам долбоорунун негизги максаты 1999-жылдан бери колдонулуп жаткан "Коммерциялык эмес уюмдар жөнүндөгү" мыйзамга чет өлкөлүк уюмдар жөнүндө толуктоо киргизүү каралган.
"Өлкөдө өз ишмердүүлүгүн жүргүзүп жаткан жалпы коммерциялык эмес уюмдардын, анын ичинде чет өлкөлүк коммерциялык эмес уюмдардын кандай булактардан каржыланып жаткандыгы, келип түшкөн каражаттардын кандай максаттарга жумшалгандыгы отчёттуулукта ачык-айкын көрсөтүлүүгө тийиш. Бул мамлекетин коопсуздугуна олуттуу коркунуч келтирет, биз муну өлкөбүздүн коопсуздугун коргоо максатында иштеп чыктык. Экинчиден, 17-беренеге алардын иштөө аракеттерин, мыйзам чегинде ишмердүүгүн жазып киргиздик. Андан сырткары, алардын иш мерчемдерине мамлекеттик көзөмөл болуш керек деген максатта Кылмыш-жаза кодексине жоопкерчилик киргизип жатабыз", - деди депутат Надира Нарматова.
Талкууда депутат Гуля Кожокулова мыйзам долбоорунун концепциясына каршы чыгып, Кылмыш-жаза кодексине сунушталып жаткан өзгөртүүлөрдү киргизүүгө жол берилбестигин баса белгиледи.
Жыйынтыгында аталган мыйзам долбооруна 52 депутат "макул", депутат "каршы" добуш берди. Ошентип мыйзам долбоору биринчи окууда кабыл алынды.
Башкы беттеги сүрөт: Жогорку Кеңеш.
